म यस्तै ठिक छैन र ? कहिलेकाही साथीहरुले रक्सीको बोतल हातमा थमाउँदै भन्छन , "पिइ यार एकबारको जुनी हो ट्राइ नि मार्दैनस? " अनि म भनिदिन्छु 'हैन यार म यतिकै ठिक छु ।' जब म इन्कार गर्छु अनि भन्छन् ,"के जिन्दगी जिउँछस यार तँ ? कहिले जिउँछस ,कहिले खुल्छस ?" साथी हो मलाई यस्तै जिन्दगी ठिक छ । म जस्तो छु आफूलाई त्यस्तै ठिक लाग्छ । त्यसो भन्दैमा तिमीहरु गलत छौ भन्न खोजेको चाहि हैन नि फेरी ।तिमीहरुको पनि आफ्नो रोजाइ हुन्छ , आफ्नो सोख हुन्छ, तिमीहरुको जिन्दगीमा तिमीहरुको जिउने तरिका । म तिमीहरुसँग तिमीहरुकै अवस्थामा जिईदिन सक्छु , बिना कुनै मदिरा सेवन पनि । कहिलेकाही आफ्नै नजिकका साथीहरु देख्छु , कतै पढेर पनि त्यस्तै कहानीहरु भेटाउँछु , महिनौँ पिच्छे , बर्षै साल फरक फरक सम्बन्धमा गाँसिएको । फरक फरक मान्छेसँग जोडिएको । अनि कहिलेकाही मलाई भन्नु हुन्छ केटा /केटी साथी दुबैले , "अहिले सम्म गर्ल्फ्रेन्ड बनाएको छैनस ?" जस्तै ,नबनाएर , नभएर , मैले कुनै ठुलै गल्ती गरेँ । अनि म भनिदिन्छु , 'समय आउला नि यात हरेक कुराको ।' मेरो कुरालाई सुने नसुने झैँ गरे...
चाहिन त धेरै मान्छे चाहिन्छ , सबैको आफ्नो
भाग हुन्छ जिन्दगीमा,
सबैको आफ्नै महत्त्व हुन्छ ।
तर , हो त्यही एउटा मान्छे त चाहिन्छ जिन्दगीमा ,
जो सँग नजिक भइयोस जसरी अरु कसैसँग नभइयो ,
जो सँग यसरी कुराहरु सुनाइयोस जस्तो अरु कसैसँग नसुनाइयोस ,
जति नै हावा भइयोस , जति नै यी अनि यस्ता कुराहरुबाट टाढा बस्न खोजियोस
एक न एक दिन जिन्दगीले खोज्छ त्यो मान्छे
महसुस त हुन्छ हुन्छ अब त चाहिन्छ जिन्दगीमा त्यस्तो मान्छे भन्ने ,
त्यो मान्छे यस्तो हुने छ नि
जसले तिम्रो हरेक कुरालाई स्वीकार्ने छ ,
तिम्रो बिगत देखि आज सम्म ,
त्यो मान्छे यस्तो हुने छ जसले
तिम्रो सानो सानो कुरामा धेरै सोच्ने कुराबाट दिक्क हुने छैन
त्यसले बुझ्ने छ तिम्रो अवस्था अनि सम्हाल्ने छ त्यही अवस्था अनुसार तिमीलाई ।
त्यो मान्छे यस्तो हुने छ जसले
तिमीलाई बदलेर भन्दा पनि तिमी तिमी हुनुमा
स्वीकार्ने छ ,
त्यसले छोड्ने छैन तिमीलाई समस्याहरूसँग एक्लै लड्न ,
तिम्रो समस्याहरुलाई आफ्नो मानेर मिलेर हल गर्न प्रयासरह रहने छ सधैं ।
त्यो मान्छे यस्तो हुने छ जसले
जसले तिमीले गरेको effort लाई यति खुशी भएर कदर गर्ने छ कि
तिमीलाई भित्रैबाट खुशी मिल्ने छ तिम्रो कर्ममा ।
त्यो मान्छे यस्तो हुने छ कि,
जो आज तिम्रो साथी छ भने भोली प्रेमी हुने छ ,
आज प्रेमी छ भने भोली तिम्रो जीवनसाथी हुने छ
र आज तिम्रो जीवनसाथी छ भने भोलि तिम्रो
साथी पनि हुनेछ , प्रेमी पनि हुनेछ र जीवनसाथी हुने छ !
जो सँगै बित्ने छ तिम्रो जिन्दगीको सुन्दर अध्याय !
❤️❤️
Comments
Post a Comment