म यस्तै ठिक छैन र ? कहिलेकाही साथीहरुले रक्सीको बोतल हातमा थमाउँदै भन्छन , "पिइ यार एकबारको जुनी हो ट्राइ नि मार्दैनस? " अनि म भनिदिन्छु 'हैन यार म यतिकै ठिक छु ।' जब म इन्कार गर्छु अनि भन्छन् ,"के जिन्दगी जिउँछस यार तँ ? कहिले जिउँछस ,कहिले खुल्छस ?" साथी हो मलाई यस्तै जिन्दगी ठिक छ । म जस्तो छु आफूलाई त्यस्तै ठिक लाग्छ । त्यसो भन्दैमा तिमीहरु गलत छौ भन्न खोजेको चाहि हैन नि फेरी ।तिमीहरुको पनि आफ्नो रोजाइ हुन्छ , आफ्नो सोख हुन्छ, तिमीहरुको जिन्दगीमा तिमीहरुको जिउने तरिका । म तिमीहरुसँग तिमीहरुकै अवस्थामा जिईदिन सक्छु , बिना कुनै मदिरा सेवन पनि । कहिलेकाही आफ्नै नजिकका साथीहरु देख्छु , कतै पढेर पनि त्यस्तै कहानीहरु भेटाउँछु , महिनौँ पिच्छे , बर्षै साल फरक फरक सम्बन्धमा गाँसिएको । फरक फरक मान्छेसँग जोडिएको । अनि कहिलेकाही मलाई भन्नु हुन्छ केटा /केटी साथी दुबैले , "अहिले सम्म गर्ल्फ्रेन्ड बनाएको छैनस ?" जस्तै ,नबनाएर , नभएर , मैले कुनै ठुलै गल्ती गरेँ । अनि म भनिदिन्छु , 'समय आउला नि यात हरेक कुराको ।' मेरो कुरालाई सुने नसुने झैँ गरे...
"सम्झिन्नस अचेल उसलाई ?"
'अँह सम्झन्न ।'
"झुट नबोल के । तेरो जिब्रोले झुट बोलेपनि तेरा
आँखाहरुले प्रष्ट बोलिरहेका छन,सम्झन्छस कि सम्झन्नस भन्ने।"
'सम्झेर के गर्नु , सम्झन्छु भनेर चाहि के गर्नु ? आफ्नो बाटो रोजेर जानेलाई ?'
"कुराकानी हुन्न अचेल ? बोलाउँदैनस ? उसले बोलाउँदिन ?"
' हुन्छ कहिलेकाही । उसैले बोलाउँछे । कुराकानी नि हुन्छ तर खै पहिलाजस्तो केही हुँदैन । त्यही सन्चो बिसन्चो , यस्तै । औपचारिकता जस्तै । म बिना नि कति धेरै खुसी देख्छु अनि मलाई चाहि बोलाउन मन लाग्दैन ।'
" खै यार अचम्म लाग्छ तिमीहरु कसरी छुटियौ, तँ उसैको लागि अनि ऊ तेरै लागि बने जस्तै लाग्थ्यो। "
' हेहे... सोचेजस्तो कहाँ हुन्छ र साथि सम्बन्ध । एउटाले आफ्नो पुरै दिँदा अर्कोले दिन नसक्ला , एकको कुरामा अर्को सहमत हुन असक्ला, मनमा भएको कुरा पनि मन दुख्ला भनेर भन्न नसक्ला।
हामी बाहिर देख जस्तो कहाँ थियौँ र झगडा सधैँको ,साना साना कुरामा घन्टौँ लामो बाझाबाझ ।
कहिलेकाही सबै सही भएर नि सही भइरहेको हुँदैन नि ।
सधैँ कहाँ झेल्न सकिने रहेछ र न त मैले न त उसले ।'
" कमेन्ट ,रियाक्ट देखिराख्छु त उसको मा पनि अनि तेरोमा उसको पनि।"
'फेसबुकका कमेन्ट र रियाक्टमै सबै कुरा सही हुन्छ भन्ने हुँदैन नि यार। छोड यी कुरा तँ बुझ्दैनस् ।'
"अरु कोहि मन पर्न थाल्यो र तँलाई ?"
'नहँसा न यार ।
बोल्न छोडेको मात्र हो बिर्सिएको होइन ,
दर्शाउन छोडेको मात्र हो प्रेम गर्न छोडेको होइन,
भन्न छोडेको मात्र हो याद गर्न छोडेको होइन
लुकाउन थालेको मात्र हो उसलाई सम्झेर रातहरु अनिद बिताउन छोडेको होइन ।
मन त पर्ला माया तलाग्ला तर ऊ जसरी पर्दैन होला अरु। पहिलो प्रेम हो नि त ।
तँलाई नि कुनै दिन प्रेम होस अनि थाहा पाउने छस '
"सक्छस यसै गरी कटाउन , उबिना? के सोचेको छस त ? "
' चाहाना त के के थियो के के ।
उसँग का सपना नि के के थिए के के ।
चहाँदैमा कहाँ पुरा हुँदो रहेछ र ? खुसी नै देख्छु खुसी नै रहोस ऊ सधैँ
मलाई पनि त आउला नि कोहि मैले उसलाई चाहे जस्तै गरी चाहने ।
यो दिन पनि कटि जाने छ । '
"सक्दिन यार म तँसँग ।"
बोल्दा बोल्दै दुइ कप चिया सकिन्छ ।
ऊ उठेर बाइक स्टार्ट गर्छ र जान्छ !
मलाई फेरी बिगतले झस्काइदिन्छ
😅❤️❤️❤️
Comments
Post a Comment