म यस्तै ठिक छैन र ? कहिलेकाही साथीहरुले रक्सीको बोतल हातमा थमाउँदै भन्छन , "पिइ यार एकबारको जुनी हो ट्राइ नि मार्दैनस? " अनि म भनिदिन्छु 'हैन यार म यतिकै ठिक छु ।' जब म इन्कार गर्छु अनि भन्छन् ,"के जिन्दगी जिउँछस यार तँ ? कहिले जिउँछस ,कहिले खुल्छस ?" साथी हो मलाई यस्तै जिन्दगी ठिक छ । म जस्तो छु आफूलाई त्यस्तै ठिक लाग्छ । त्यसो भन्दैमा तिमीहरु गलत छौ भन्न खोजेको चाहि हैन नि फेरी ।तिमीहरुको पनि आफ्नो रोजाइ हुन्छ , आफ्नो सोख हुन्छ, तिमीहरुको जिन्दगीमा तिमीहरुको जिउने तरिका । म तिमीहरुसँग तिमीहरुकै अवस्थामा जिईदिन सक्छु , बिना कुनै मदिरा सेवन पनि । कहिलेकाही आफ्नै नजिकका साथीहरु देख्छु , कतै पढेर पनि त्यस्तै कहानीहरु भेटाउँछु , महिनौँ पिच्छे , बर्षै साल फरक फरक सम्बन्धमा गाँसिएको । फरक फरक मान्छेसँग जोडिएको । अनि कहिलेकाही मलाई भन्नु हुन्छ केटा /केटी साथी दुबैले , "अहिले सम्म गर्ल्फ्रेन्ड बनाएको छैनस ?" जस्तै ,नबनाएर , नभएर , मैले कुनै ठुलै गल्ती गरेँ । अनि म भनिदिन्छु , 'समय आउला नि यात हरेक कुराको ।' मेरो कुरालाई सुने नसुने झैँ गरे...
बिहानको सात नबज्दै उनको फोन आउथ्यो सधैं। म निन्द्रामा नै उनको फोन उठाउँथे। उता बाट उनको आवाज आउथ्यो "गुड मर्निङ मेरो प्यारो बूढो, उठ्ने बेला भएन?"
म आधा निन्द्रामा नै अल्छे श्वरले जवाफ दिन्थे " गुड मर्निङ बुढि, यति राती नै उठ्दिन म त जाडोमा।"
उनी अलिक कडा श्वरमा भन्थिन "राती नै अरे ? घाम लागि सके बाहिर, म त चिया पिउंदै छु।"
म प्रेमिल श्वर बनाउदै भन्ने गर्थेँ "एक्लै पिएको ? मलाइ खै त ?"
उनी चिया पिएको "सुरुप्प"आवाज निकाल्दै भन्थिन "इ लिनुस।"
म पनि साँच्चिकै चिया पिएको झैँ आवाज निकाल्दै भन्ने गर्थेँ "मीठो, मेरि प्यारीको जुठो चिया।"
उनी खुशी हुँदै भन्थिन " पछि एउटै कपमा पिउँला है बुढाबुढी ?"
म मुस्कुराउदै जवाफ दिन्थेँ "हवस हजुर।"
उनी खुशी हुंदै मायालु श्वरमा आग्रह गर्दै भन्थिन "अब चाहिँ उठ्नु त बुढा, धेरै अल्छे नहुनु।"
उनी संग कुरा गर्दा गर्दै मेरो पनि निन्द्रा लगभग हटि सकेको हुन्थ्यो तर पनि म लाडे श्वर बनाउँदै भन्थे " एक पटक माया गर अनि मात्र उठ्छु।"
उता बाट आवाज आउथ्यो "उम्मा…"
हो! यसरी नै मेरा हरेक दिनको सुरुवात हुने गर्थ्यो। लाग्थ्यो मलाइ ब्युंझाउने अनि उठाउने जिम्मा उनैले लिएकी छिन।
आज, समयको लामो अन्तराल पछि पनि उनले मलाइ उठाउन भने छोडेकी छैनन । तर अचेल उनी, सपना बनेर आउँछिन अनि मध्यरात मै ब्युँझाइ दिन्छिन फेरि निदाउन नसक्ने गरि ।
Comments
Post a Comment